रामेछापको रामेछाप नगरपालिका वडा नं ६ च्यास्कु दारिमबोटमा पहिरोले गोठ पुरिएर एक महिलाको मृत्यु भएको छ ।
बिहीबार रातिदेखि परेको अविरल वर्षाको कारण गोठमाथीबाट खसेको पहिरोले शनिबार(आज) दिउँसो गोठ पुरिँदा महिलाको मृत्यु भएको हो ।
वर्ष ५१ की धनमाया मगरको पहिरोले गोठ पुरिँदा किचिएर मृत्यु भएको सोही वडाका वडा अध्यक्ष राजेश तामाङले बताउनुभयो ।
मगरसँगै एउटा भैंसी र ११ वटा बाख्रा पनि पुरिएर मरेको उहाँले बताउनुभयो । गोठमाथिबाट पहिरो जान थालेको देखेर भैंसी र बाख्रा फुकाउन गोठमा छिरेकी मगरलाइ गोठसँगै पहिरोले बगाएको हो ।
