नेपाल औषधि व्यवसायी संघको स्थापना दिवसको अवसरमा बिरामीलाई फलफूल वितरण गरिएको छ । रामेछाप अस्पताल रामेछापमा भर्ना भएका बिरामीलाई फलफूल वितरण गरिएको हो ।
२०३० असार १० गते स्थापना भएको संघले आज(सोमबार) ५१ औं स्थापना दिवस मनाएको हो । स्थापना दिवसको अवसरमा नेपाल औषधि व्यवसायी संघ संयुक्त जिल्ला शाखा रामेछाप/दोलखाले बिरामीलाई फलफुल वितरण गरेको हो ।
रामेछाप नगरपालिकाका प्रमुख लबश्री न्यौपाने,नगरपालिकाका प्रबक्ता समीर कार्की,वडा नं ८ का वडाअध्यक्ष सन्तोष कुमार तामाङ सहितको उपस्थितमा फलफुल वितरण गरिएको हो ।
अस्पतालमा बेड भर्ना भएका १२ जना बिरामीलाई स्याउ,केरा र जुस वितरण गरिएको नेपाल औषधि व्यवसायी संघ संयुक्त जिल्ला शाखा रामेछाप/दोलखाका अध्यक्ष जीवन कुमार श्रेष्ठले बताउनुभयो ।
