रामेछापमा सोमबार एकैदिन भएको छुट्टा छुट्टै सवारी दुर्घटनामा परी दुइ जनाले ज्यान गुमाएका छन भने दुइ जना घाइते भएका छन । जिल्लाको मन्थली नगरपालिका वडा नं ७ स्थित मन्थली घाट नजिक टिपर दुर्घटना भएको हो ।
बिहान अन्दाजी ६ बजेको समयमा टिपर दुर्घटना हुँदा टिपर चालक रामेछापको गोकुलगंगा गाँउपालिका वडा नं ३ रस्नालुका अन्दाजी २३ बर्षिय पवित्र बस्नेतको घट्नास्थमै ज्यान गएको छ । दुर्घटनामा परी घाइते भएका सहचालक दोलखा जिल्ला तामाकोसी गाँउपालिका वडा नं ६ का अन्दाजी २१ वर्षका मनोज फुयाँलको मन्थली नगर अस्पतालमा उपचार भइरहेको रामेछाप प्रहरीले जानकारी दिएको छ ।
भटौलीबाट मन्थली तर्फ वालुवा लिएर जाँदै गरेको बा प्र ०१–००६–३८३९ नं को टिपर सडक बाट करिब ५० मिटर तल तामाकोसी नदि किनारमा खसेको छ ।
यस्तै जिल्लाको खाँडादेवी गाउँपालिका वडा नं. ३ भिरपानीमा मोटरसाईकल दुर्घटना हुँदा चालकको मृत्यु भएको छ । बा.८९प. ४३८२ न. को मोटरसाईकलका चालक रामेछापको मन्थली नगरपालिका –२ कठजोर बस्ने बर्ष २६ को अशोक नेपालीको उपचारको क्रममा सिन्धुलीको खाल्टे अस्पतालमा मृत्यु भएको प्रहरीले जनाएको छ ।
दिउँसो १ बजेको समयमा रामेछापबाट काठमाण्डौ जादै गरेको मोटरसाईकल भिरपानी चारघरे चोक नजिकै आफै अनियन्त्रीत भई सडकबाट ५० मिटर तल खसेको थियो । दुर्घटनामा परेका चालक नेपालीको टाउकोमा गहिरो चोट लागेको थियो ।
मोटरसाईकलमा पछाडी सवार दोलखा जिल्लाको मेलुंङ गाउँपालिका २ घ्याङ बस्ने सन्जित दर्जीको अवस्था भने सामान्य रहेको रामेछापका प्रहरी प्रमुख एवं प्रहरी नायव उपरिक्षक प्रदीप कुमार सिंहले जानकारी दिनुभयो ।
