रामेछापको सदरमुकाम समेत रहेको मन्थली नगरपालिकामा मंगलबार सम्पन्न प्रथम नगर कप पुरुष भलिबलको प्रतियोगिताको उपाधी वडा नं–१ ले जितेको छ ।
वडा नं–१ र वडा नं–१४ बिच भएको फाइनल खेलमा वडा नं १ ले वडा नं १४ लाई २५–२१,२५–२२ र २५–१७ को सोझो सेटमा हराएको हो । प्रतियोगितामा वडा नं ७ भटौली तेस्रो भएको छ । वडा नं–७ भटौली र वडा नं–४ सालु बिच भएको खेलमा भटौलीले सालुलाई हराएको हो ।
प्रतियोगितामा प्रथम,द्वितिय र तृतिय हुने टिमलाई क्रमश नगद रु १ लाख, ७५ हजार, ५० हजारको साथमा शिल्ड, मेडल र प्रमाणपत्र प्रदान गरिएको मन्थली नगरपालिकाले जानकारी दिएको छ ।
प्रतियोगितामा सान्वना भएको वडा नं ४ सालले नगद रु ३० हजारको साथमा शिल्ड,मेडल र प्रमाणपत्र प्राप्त गरेको छ । आइतबारदेखि सुरु भएको प्रतियोगितामा नगरपालिकाका १४ वटै वडाका खेलाडीहरुहरुले सहभागीता जनाएका थिए ।
