बागमती प्रदेशमा सवारी चालक अनुमतिपत्र (लाइसेन्स) को ट्रायलमा ७० अङ्क ल्याएपनि उत्तीर्ण हुने व्यवस्था आजबाट कार्यान्वयनमा आउँदै छ । प्रदेशका श्रम, रोजगार तथा यातायात मन्त्री एकालाल श्रेष्ठले उक्त नयाँ मापदण्डको आज शुभारम्भ गर्ने कार्यक्रम तय भएको छ ।
सवारी चालक अनुमतिपत्रको परीक्षामा उत्तीर्ण हुनका लागि १०० पूर्णाङकमा १०० नम्बर नै ल्याउनुपर्ने व्यवस्था अवैज्ञानिक तथा अव्यवहारिक रहेको भन्दै आजबाट नयाँ मापदण्ड कार्यान्वयन हुन लागेको हो । बागमती प्रदेशमा रहेका ११ वटा यातायात व्यवस्था कार्यालयमध्य सवारी चालक अनुमति प्रदान गर्ने सम्पूर्ण सेवा केन्द्रले आजबाट ७० अङ्क ल्याएट्रायल परीक्षा पास हुने व्यवस्था गर्दैछन् ।
