निर्वाचनलाई लक्षित गर्दै मत माग्न जनताको घरदैलोमा पुगेका उम्मेदवारलाई रामेछापका मतदाताले सडक,खानेपानी,शिक्षा,रोजगार जस्ता कुराहरुलाई प्राथमिकतामा राखेर काम गर्न आग्रह गरेका छन । रामेछापको सुनापति गाउँपालिकाका ३ का बद्रि बहादुर कार्कीले आफनो गाउँमा व्यवस्थित सडक र गाउँमै राम्रो अस्पतालको व्यवस्था गरिदिन मत माग्न जनताको घरदैलोमा पुगेका उम्मेदवारलाई आग्रह गर्नुभयो ।
भौगोलिक विकटताका कारण विभिन्न आधारभुत आवश्यकता नै पूरा नभएपछि उमाकुण्ड गाउँपालिका बाम्तीभण्डारका रुद्र बहादुर कार्कीले पनि यस पटकको निर्वाचनमा विजयी हुने उम्मेदवारलाई गाउँको महार फेर्ने गरी विकास गर्न माग गर्नुभयो ।
जिल्लामा उम्मेदवारहरू हिजोआज घोषणापत्र बोकेर ठूला विकासे आयोजनाको आश्वासन बाँडरिहेका छन् । तर मतदाताहरू भने बाचाअनुसारका काम हुन नसकेकोमा दुःखी छन् । रामेछापको ८ वटै पालिकामा खानेपानीको मुख्य समस्या छ । विद्यालय शिक्षाको अवस्था दयनिय छ । हरेक वडाहरु र गाउँबस्तीमा अझैपनि खोजिमपूर्ण यात्रा गर्नुपर्छ ।
यहाँका नागरिकले रोजगारी पाएका छैनन् । मङ्सिर चार गतेको निर्वाचनका लागि प्रतिनिधि सभातर्फ गठबन्धनबाट कान्छाराम तामाङ र नेकपा एमालेबाट कैलाश ढुंगेल बीच मुख्य प्रतिस्पर्धा हुने अनुमान छ । यो चुनावमा जसले जितेपनि विकास र परिर्वनको महसुस हुने गरी काम गर्न उम्मेदवारहरूलाई रामेछापका मतदाताले अनुरोध गरेका छन ।
