ओखलढुंगाको चम्पादेवी नवलपुरमा मकवानपुर घर भएका तर रामेछापमा बस्दै आएका एक पुरुष मृत फेला परेका छन् । मंगलबार साँझ ओखलढुंगाको चम्पादेवी गाउँपालिका २ नवलपुरस्थित सुनकोशी नदिको किनारमा मकवानपुरका घर भइ हाल रामेछाप बस्दै आएका ३१ बर्षीय गोपाल चौधरी मृत फेला परेका हुन् ।
नदि किनारमा शव फेला परेको जानकारी पाउनासाथ प्रहरी चौकी पलापुबाट प्रहरी टोली घटनास्थलमा पुगेको थियो । शवको पहिचान नखुलेपछि प्रहरीले आसपासका जिल्ला प्रहरी कार्यालयमा सुचना गर्दा मृत व्यक्ति मकवानपुरको रहेको र हाल रामेछापको भुजिमा बस्दै आएको रामेछाप प्रहरीले पुष्टि गरेको जिल्ला प्रहरी कार्यालय ओखलढुंगाका प्रहरी निरीक्षक देवेन्द्र दासले जानकारी दिनुभयो ।
