रामेछाप नगरपालिकाका राजनीतिक दलहरुले निर्वाचन आचारसंहिता पालना गर्न आफुहरु प्रतिबद्ध रहेको बताएका छन । आज निर्वाचन अधिकृतको कार्यालय रामेछाप नगरपालिले आयोजना गरेको स्थानिय तह निर्वाचनमा जारी भएका ऐन,नीति,निर्देशिका,कार्यविधि, निर्वाचन आचारसंहिता तथा निर्वाचन तयारी बारे छलफलमा उनिहरुले यस्तो प्रतिवद्धता जनाएका हुन् ।
रामेछाप नगरपालिकाका निर्वाचन अधिकृत गिता गुरुङको अध्यक्षतामा बसेको बैठकमा नगरपालिकाका सहायक निर्वाचन अधिकृत होम ब थापाले स्थानिय तह निर्वाचनमा राजनीतिक दल,उम्मेद्वार र संचारमाध्यमले पालना गर्नुपर्ने आचारसंहिताको बारेमा जानकारी गराउनुभयो ।
निर्वाचन अधिकृत गिता गुरुङले यो स्थनिय तहको निर्वाचनमा सबै पक्षले आचारसंहिता पालना गनुपर्ने बताउनुभयो । उहाँले राजनीतिक दल,उम्मेद्वार र संचारमाध्यमलाई आचारसंहिताको पूर्ण रुपमा पालना गरी चुनावी प्रचारप्रसारको काम गर्न आग्रह गर्नुभयो । उहाँले सबैको साथ र सहयोगले सफलतापूर्वक निर्वाचन सम्पन्न हुने विश्वास व्यक्त गर्नुभयो । छलफल कार्यक्रममा पत्रकार,रामेछाप नगरपालिकाका ५ वटा राजनीतिक दलका प्रमुख एवम प्रतिनिधीहरुको उपस्थिती रहेको थियो ।
