वैशाख ३० गते हुने स्थानीय तहको निर्वाचनका लागि नेपाली कांग्रेसले रामेछाप नगरपालिकाको तर्फबाट प्रमुख तथा उपप्रमुखका लागि नाम सिफारिस भएको छ । आज नेपाली कांग्रेस रामेछाप नगर समितीको बैठकले प्रमुख तथा उपप्रमुखको नाम सिफारिस गरेको हो ।
रामेछाप नगरपालिकाको ९ वटै वडाहरुबाट नगर प्रमुखमा कमल विक्रम कार्की,लवश्री न्यौपाने र रत्न कार्कीको नाम सिफारिस भएको छ । ८ वटा वडाबाट लेख ब कार्की,नर ब थापा मगर र सृर्जना खड्काको नाम सिफारिस भएको छ ।
त्यसैगरी ४ वटा वडाकार्यसमितीबाट डा सुमन कर्मचार्य, २ वटा वडाबाट लाल ब तामाङ,राम प्रसाद घिमिरे र शम्भु प्रसाद घिमिरेको नाम सिफारिस भएको छ भने १ वटा वडाले टुपेन्द्र तामाङको नाम सिफारिस गरेको नेपाली कांग्रेस रामेछाप नगर समितीका सभापति कमल विक्रम कार्कीले जानकारी दिनुभयो ।
रामेछाप नगरपालिकाको उपप्रमुखका लागि अपना श्रेष्ठ,कुमारी हायु,बिमला कार्की,बाला कार्की र दुर्गा सुनुवारको नाम सिफारिस भएको छ । नेपाली काँग्रेसको वडा तथा नगर समितिले धेरै आकांक्षीहरुको नाम सिफारिस गरेर पठाएपछि नेपाली काँग्रेस जिल्ला समितिलाई उम्मेद्वार छान्न सकस पर्ने देखिएको छ ।
९ वटा वडाहरु रहेको रामेछाप नगरपालिकामा नेपाली कांग्रेसले ४ वटा वडामा सर्वसम्मत वडाअध्यक्षको उम्मेद्वार टुंग्याएको छ । जसअनुसार वडा नं ३ मा दल ब प्रधान,५ मा हरिशचन्द्र श्रेष्ठ,६ मा राजेश तामाङ र ९ मा दिर्घराज श्रेष्ठ रहेका छन । यस अघिको स्थानिय तहको निर्वाचन रामेछाप नगरपालिकामा नेपाली कांग्रेसले प्रमुख/उपप्रमुख र ३ वटा वडा जितेको थियो ।
