जिल्ला प्रहरी कार्यालय रामेछापले दोलखाका एक युवकलाई खुकुरी प्रहार गर्ने रामेछापका एक युवकलाई पक्राउ गरेको छ । रामेछापको दोरम्बा शैलुङ गाउँपालिका ४ स्थित पडिघ्याङ भन्ने स्थानमा रहेको अन्तराष्टिय युबाबर्ष मा.बिमा युवकमाथि खुकुरी प्रहार भएको हो ।
उक्त विद्यालयमा रङरोगन गर्ने मजदुर दोलखा जिल्ला तामाकोशी गाउँपालिका ३ जफे बस्ने बर्ष २० का अनिश पोखरेलमाथि समान्य विवादमा रामेछापको दोरम्बा शैलुङ गाउँपालिका वडा नं. ४ बस्ने बिनोद तामाङले खुकुरी प्रहार गरेका हुन ।
खुकुरी प्रहारबाट पोखरेलको टाउको तथा देब्रे हातको पातोमा चोट लागेको रामेछाप प्रहरीले जानकारी दिएको छ । खुकुरी प्रहार गर्ने तामाङलाई दोरम्बा शैलुङबाट पक्राउ गरी अनुसन्धान भैरहेको प्रहरीले जनाएको छ ।
