म्यादी प्रहरीमा भर्ना हुन रामेछाप सदमुकाम मन्थली आएका एक युवकको तामाकोशी नदीमा डुबेर मृत्यु भएको छ । जिल्लाको दोरम्बा शैलुङ गाउँपालिका वडा नं २ का वर्ष १९ का ईशान विकको ज्यान गएको हो । आज दिउँसो पौडी खेल्न तामाकोशी नदीमा पुगेका विकको नदीमा डुबेर मृत्यु भएको रामेछाप प्रहरीले जानकारी दिएको छ । नदीमा पौडी खेल्न छिरेका विक एक्कासी बेपत्ता भएको र प्रहरी,स्थानिय लगायतको टोलीले खोजि गर्दा मृत अवस्थामा शव फेला परेको हो ।
