रामेछाप जिल्लाकै पहिलो माध्यमिक विद्यालय श्री गौरीशंकर माध्यमिक विद्यालयले विद्यालय बस सेवा सुरू गर्ने भएको छ । विद्यालयको शैक्षिक गुणस्तर सुधार गर्दै विद्यार्थीको आकर्षण बढाउन विद्यालय बस सन्चालन गर्न लागिएको विद्यालय व्यवस्थापन समितीका अध्यक्ष पुर्ण मगरले बताउनुभयो । शैक्षिक गुणस्तर सुधार गर्दै टाढाटाढाका विद्यार्थीहरुको सहजताका लागी बस सेवाले टेवा पुग्ने उहाँले बताउनुभयो ।
विद्यालयका प्रधानाध्यापक निर बहादु्र कार्कीले अबको केहि समय भित्रै विद्यालय व्यवस्थापन समितीको बैठक बसेर के कसरी र काहाँ काहाँ बस सेवा सन्चालन गर्ने भन्ने बारेमा निर्णय गरिने बताउनुभयो । विद्यालयमा अध्ययन गर्न आउने विद्यार्थी घन्टौं हिँडेर आउनुपर्ने बाध्यतामा छन् । उनीहरूलाई सहज रूपमा विद्यालयको पहुँचमा ल्याउन बस खरिद गरिएको हो । विद्यालय बस सेवा सन्चालन हुने भएपछि विद्यार्थी पनि खुशी भएका छन । विद्यालय बस अहिले विद्यालयको प्राङ्गणमा ल्याएर राखिएको छ ।
