बाग्मती प्रदेश स्तरिय तेक्वान्दो प्रतियोगिताका लागि रामेछापबाट २६ जना खेलाडी छनौट भएका छन् । मंगलबार श्री गौरीशंकर बहुमुखी क्याम्पसको खेल मैदानमा भएको खेलाडी छनौट प्रतियोगिता मार्फत २६ जना खेलाडी छनौट भएको जिल्ला तेक्वान्दो संघ रामेछापका उपाध्यक्ष टिकाराम रानामगरले जानकारी दिनुभयो ।
जिल्लाबाट छनोट भएका खेलाडीले प्रदेशमा खेल्ने र प्रदेशवाट छनौटमा परेका खेलाडीहरुले निकट भविष्यमा हुन लागि रहेको २४ औं दक्षिण एशियाली खेलकुद प्रतियोगितामा सहभागीता जनाउने उपाध्यक्ष रानामगरले बताउनुभयो । जिल्लाबाट सिनियर पुरुष तर्फ ८,सिनियर महिला तर्फ ८,जुनियर पुरुष तर्फ ५ र जुनियर महिला तर्फ ५ गरी २६ जना खेलाडी छनोट भएका हुन ।
सिनियर पुरुष तर्फ अनिष बस्नेत,लेखनाथ तामाङ,गोपिनारायण श्रेष्ठ,रविन्द्र मगर र केबल तामाङ छनोटमा परेका छन । सिनियर महिला तर्फ सविना सुनुवार,देविका तामाङ,नविना सुनुवार र अनिता कार्की छनोट भएका छन । जुनियर पुरुष तर्फ विजय सेन्चुरी,गोकर्ण पाख्रिन,पर्वत तामाङ,पुस्पा तामाङ र रितुष थापा छनोट भएका छन । महिला जुनियर तर्फ निकिता कार्की,रमा मगर र करिस्मा नेपाली लगायतका खेलाडी छनोटमा परेका छन ।
