यो वर्ष रामेछाप जिल्लामा १० प्रतिशत खेतमा मात्रै धान रोपाइँ सम्पन्न भएको छ । असार महिनाको १५ गते बितिसक्दा रामेछाप जिल्लामा १० प्रतिशत खेतमा मात्रै धान रोपाइँ सम्पन्न भएको कृषि विकास कार्यालय रामेछापका प्रमुख मिन बहादुर पुनले जानकारी दिनुभयो ।
उहाँका अनुसार जिल्लाको सिँचाई हुने र पर्याप्त पानी भएको क्षेत्रका गरी जम्मा १० प्रतिशत खेतमा मात्रै धान रोपाइँ भएको हो । रामेछाप जिल्लाभर ७ हजार ८ सय ५९ हेक्टर खेतमा धान रोपाइँ हुँदै आएको छ । जिल्लाका अधिकांश ठाउँहरुमा आकाशे पानीको भरमा धान रापाइँ हुँदै आएको छ ।
असारको दोस्रो सातासम्म पनि रामेछापमा अधिकांश खेत बाँझै
असारको दोस्रो सातासम्म रामेछापका अधिकांश किसानले यस वर्ष धान रोपेका छैनन् । समयमै वर्षात नहुँदा यसवर्ष जिल्लामा धान रोपाइँ ढिला भएको हो । असारको मध्येसम्म पनि रामेछापमा करिब १० प्रतिशत मात्रै धान रोपाइँ सकिएको छ ।
यस वर्ष मनसुन ढिला भित्रिएपछि असारको दोस्रो सातासम्म पनि करिब ९० प्रतिशत खेत बाँझै रहेका छन् । गतवर्ष असारको दोस्रो सातासम्म करिब १८ प्रतिशत रोपाइँ भइसकेको थियो । तर यस वर्ष वर्षात ढिला हुँदा धान रोपाई ढिला भएको मन्थली किसान पूर्ण बहादुर थापाले बताउनुभयो ।
