रामेछाप नगर उद्योग वाणिज्य संघको स्थापना दिवसको अवसरमा बिरामीलाई फलफूल वितरण गरिएको छ । रामेछाप अस्पताल रामेछापमा भर्ना भएका बिरामीलाई फलफूल वितरण गरिएको हो ।
संघको नवौँ स्थापना दिवसको अवसरमा आज(मंगलबार) अस्पतालमा बेड भर्ना भएका ६ जना बिरामीलाई स्याउ,केरा,आँप,बिस्कुट र जुस वितरण गरिएको रामेछाप नगर उद्योग वाणिज्य संघका अध्यक्ष अमित कुमार तामाङ्गले बताउनुभयो ।
रामेछाप नगरपालिकाका प्रवक्ता एवं वडा नं ७ का वडाअध्यक्ष समिर कार्की,वडा नं ८ का वडाअध्यक्ष सन्तोष कुमार तामाङ र अस्पतालका मेडिकल सुपरिटेण्डेन्ट डा.अचुत पौडेल सहितको उपस्थितमा फलफुल वितरण गरिएको हो ।
हाल रामेछाप नगर उद्योग वाणिज्य संघमा ५ सय ६५ जना उद्योगी,व्यवसायी सदस्य रहेका छन ।
