रामेछाप नगरपालिकाले कोरोना संक्रमण तिव्र रुपमा फैलिएको भन्दै संक्रमण रोकथाम तथा नियन्त्रणका लागीे भिडभाड गर्न निषेध गरेको छ । तर रामेछाप नगरपालिकाको कार्यालय नजिकै रहेको राष्ट्रिय वाणिज्य बैँक रामेछाप शाखामा भने सेवाग्राहिको भिड देखिन्छ ।
हरेक दिन सेवाग्राहिहरु बैँक खुल्नुअघिदेखी नै लाईन लागेर पालो कुरेर बसेका हुन्छन । बैँकमा लाईन लागेर पालो कुरेर बसेका सेवाग्राहिहरुले समाजिक दुरी पालना गरेको देखिँदैन । बैँकमा काम परेर आउनेहरु मध्ये कतिपयले त माक्स समेत लगाएका हुँदैनन् । बैँकमा स्यानिटाईजर र हात धुन साबुन पानी समेत राखेको देखिँदैन ।
यसैले गर्दा केही हप्ताअघि बैँकका सबै कर्मचारीमा कोरोना संक्रमण पुष्टि भयो र केहि दिन बैँक समेत बन्द भयो । बैँकका प्रबन्धक ईन्द्र दुलालका अनुसार अहिले केहि दिनदेखि बैँकमा अन्तिम पटक लाभग्राहि सुचिमा परेका भुम्कप प्रभावितहरुले किस्ता लिनेहरुको भिड लागेको छ ।
बैँकमा अन्य सेवाग्राहिहरुको उपस्थिती न्युन भएपनि भुकम्प प्रभावित किस्ता लिनेहरुको भिडले कोरोना संक्रमणको जोखिम बढेको बताउनुभयो । यता रामेछाप नगरपालिकाले भने कोरोना संक्रमण रोकथाम तथा नियन्त्रणका लागी भन्दै रामेछाप बजारमा लाग्दै आएको विहिबारे हाट र साँघुटार बजारमा लाग्दै आएको शनिबारे हाट समेत स्थगित गरेको छ ।
नगरपालिकाले अत्यावश्यक भन्दा बाहेका सम्पुर्ण सेवाहरु बन्द गरेको भनिँहँदा बैँकमा देखिएको सेवाग्राहीहरुको भिडले नगरपालिकाले जारी गरेको सुचनाको उलंघन भएको छ । यस तर्फ नगरपालिकाको ध्यान जानु जुरुरी देखिन्छ ।
