रामेछाप जिल्लामा आज १९ जना कोरोना संक्रमित थपिएका छन । आज जिल्ला अस्तालमा १२ जना,रामेछाप नगरपालिकामा ५ जना र सुनापती गाउँपालिकामा २ जना गरी १९ जनामा एन्टिजेन परीक्षणबाट कोरोना पुष्टि भएको छ । यो सँगै जिल्लामा कोरोना संक्रमण पुष्टि हुनेको संख्या २५ सय ८ जना पुगेको छ ।
आज जिल्लामा ३२ जनाले कोरोनालाई जितेका छन । जिल्ला अस्पतालबाट ७ जना,मन्थली नगरपालिकाबाट २ जना,रामेछाप नगरपालिकाबाट ७ जना,उमाकुण्ड गाउँपालिकाबाट ८ जना,खाँडादेवी गाउँपालिकाबाट ४ जना,गोकुलगंगा गाउँपालिकाबाट १ जना र लिखु तामाकोशी गाउँपालिकाबाट ३ जनाले कोरोना जितेका छन ।
यो सँगै जिल्लामा २३ सय ३८ जना कोरोना संक्रमणपछि निको भएका छन । जिल्लामा अहिले १४९ जना कोरोनाका सकृय संक्रमित रहेका छन । कोरोनाको दोश्रो लहर अन्तर्गत हालसम्म जिल्लामा २१ जनाले ज्यान गुमाएका छन । जिल्लाका सबै स्थानिय तहहरुले अहिले एन्टिजेन परीक्षण मार्फत कोरोना परीक्षण गरिरहेका छन ।
