रामेछाप जिल्लामा यस वर्षको बडा दशैँ र तिहार पर्व शान्तिपूर्ण र उल्लासपूर्ण वातावरणमा सम्पन्न भएका छन्। सुरक्षाका दृष्टिले संवेदनशील मानिएका केही क्षेत्रमा समेत कुनै अप्रिय घटना नभएपछि जिल्लामा शान्तिपूर्ण रूपमा पर्व मनाइएको स्थानीय प्रशासनले जनाएको छ।
जिल्ला प्रशासन कार्यालय रामेछापका अनुसार दशैँ र तिहारका बेलामा जिल्लाभर सुरक्षाकर्मीहरूको विशेष गस्ती, निगरानी र चेकजाँच कडाइका साथ सञ्चालन गरिएको थियो। स्थानीय तहका जनप्रतिनिधि, सामाजिक संघसंस्थाहरू र समुदायका स्वयंसेवकहरूले समेत पर्वका समयमा सौहार्दपूर्ण वातावरण कायम गर्न सहयोग गरेका थिए। यस वर्ष दशैँ–तिहारको समयमा जिल्लाभरका बजारहरूमा रौनक देखिएको थियो।
