रामेछापको गोकुलगंगा गाउँपालिकामा गाई भैँसीमा लाग्ने लम्पी स्किन रोग सङ्क्रमणबाट ५६ वटा गाई गोरु मरेका छन । गाउँपालिकाका ३१ सय ७३ गाई गोरु संक्रमित रहेको गाउँपालिकाका पशुपंक्षि विकास शाखाका प्रमुख लोक प्रसाद फुयालले जानकारी दिनुभयो ।
उहाँका अनुसार यो रोग लागेका २४ सयभन्दा बढी गाई गोरुको उपचार भैरहेको छ । ६ वटा वडा रहेको गाउँपालिकाको सबै वडामा लम्पी स्किन रोग फैलिएको छ । सबैभन्दा धेरै वडा नं ३ का किसानले पालेको गाई गोरु मरेको र संक्रमण पनि सोही वडामा धेरै फैलिएको उहाँले बताउनुभयो ।
वडा नं १ मा भने यो रोग कम मात्रामा फैलिएको फुयालले बताउनुभयो । गाउँपालिकाका २६ सय भन्दा बढी गाई गोरुलाई लम्पी स्किन रोग विरुद्धको खोप लगाइएको छ ।
