रामेछापको गोकुलगंगा गाउँपालिकाले जिल्ला सदरमुकाम मन्थली हुँदै खिम्ती–फर्पु–नमाडी–बेताली सडक खण्डमा ठुला गाडी सञ्चालनमा रोक लगाइएको छ । गाउँकार्यपालिकाको बैठकले उक्त सडक खण्डमा आउँदो असोज ३० गते सम्मको लागि ठुला गाडी सञ्चालनमा रोक लगाइएको गाउँपालिकाका प्रमुख प्रशासकिय अधिकृत होम बहादुर थापाले हस्ताक्षरगरी जारी गरिएको सुचनामा उल्लेख छ ।
बर्षातको समयमा सडकको क्षमता भन्दा बढी ठुला मालवाहक गाडी चल्दा सडक थप बिग्रिएर यात्रुवाहक सवारीका साधन र यात्रुलाई सास्ती हुन थालेको भन्दै कार्यपालिकाको पूर्ण बैठकले सार्वजनिक सूचना मार्फत ठुला मालवाहक गाडी सञ्चालनमा रोक लगाएको हो ।
गोकुलगंगा र उमाकुण्ड गाउँपालिकाका विभिन्न स्थानमा निर्माणाधीन हाइड्रोपावरहरूको निर्माणका लागि मन्थली हुँदै खिम्ती–फर्पु–नमाडी–बेताली सडकमा जलविद्युत आयोजनाका ठुला लोड गाडी चल्दा खाल्डा खुल्डी भएको र पानी जमेर सडकै नै भासिने, भत्कने गरेको गुनासो बढेपछि पालिकाले आउँदो असोज ३० गते सम्म उक्त सडकमा ठुला मालवाहक गाडी सञ्चालनमा रोक लगाइएको हो ।
यस्तो छ गाउँपालिकाद्धारा जारी सुचना : 
