रामेछापको मन्थली नगरपालिकाको मच्छेडाँडीमा ट्याक्सी दुर्घटना भएको छ । मन्थली नगरपालिका ४ सालुबाट काठमाडौँतर्फ जाँदै गरेको बा २ क ९४४ नम्बरको ट्याक्सीे वडा नम्बर १ स्थित मच्छेडाँडीमा दुर्घटना भएको हो । दुर्घटनामा परी ८ जना घाईते भएको छन । जिल्ला प्रहरी कार्यालय रामेछापका सूचना अधिकारी श्रीशंकर श्रेष्ठका अनुसार दुर्घटनामा परी मन्थली नगरपालिका ८ चिसापानीका २३ वर्षीया विना मगराती, उहाँको ७ वर्षीया छोरी विपना मगराती र १८ महिने छोरा त्यसैगरी मन्थली नगरपालिका ४ सालुका ३४ वर्षीय रामकुमार विसुन्खे , झापाको गरुडा नगरपालिका २ की २७ वर्षीया गंगा बस्नेत उहाँको ६ वर्षीया छोरी प्रेरणा वस्नेत, ३ वर्षीय छोरा प्रेम वस्नेत र सोही स्थानका चालक ५६ वर्षीय चिरञ्जीवि वस्नेत रहेका छन् । प्रहरीका अनुसार घाईतेहरु सबैको तामाकोशी अस्पताल मन्थलीमा उपचार भइरहेको छ । तिव्र गतिका कारण ट्याक्सी अनियन्त्रित भई सडकको नालीमा खसेर दुर्घटना भएको प्रहरीले जानकारी दिएको छ ।
रामेछापको मन्थलीमा ट्याक्सी दुर्घटना, ८ जना घाइते
