पछिल्लो समयमा बढ्दै गएको आधुनिकीकरणले रामेछापमा आरन लोप हुँदै गएको छ। विगतमा हँसिया, कुटो, कोदालो, बञ्चरोलगायतका कृषि औजार निर्माण गर्ने आरन समयानुसार आधुनिक र व्यावसायिक बनाउन नसक्दा हराउन थालेको हो ।
राम्रो आम्दानी नहुने भएपछि युवाहरूले आरन पेशा छाड्दै गएका छन । युवाहरू पम्परागत पेशाभन्दा पनि वैदेशिक रोजगारका लागि आकर्षित बन्न थालेका छन ।
नयाँ पुस्ताले पेशा छाड्दै गएका कारण आरन हराउँदै गएको छ । आरन पेशा व्यावसायिक बन्न नसक्नु, पेशालाई सम्मान हुने वातावरण नहुनु तथा सरकारले सहयोग नगर्नुजस्ता कारणले यो पेशा ओझेलमा पर्न थालेको बताइएको छ ।
