रामेछापको रामेछाप नगरपालिकाको वडाहरुमा प्रारम्भिक बाल विकास समिति गठनको काम जारी छ । ९ वटा वडाहरु रहेको नगरपालिकाको वडा नं ८ र ९ मा समिति गठन भैसकेको रामेछाप नगरपालिकाका बाल विकास संयोजक सरोज श्रेष्ठले जानकारी दिनुभयो ।
बाँकी वडाहरुमा पनि क्रमश समिति गठनको कामलाई निरन्तरता दिईने उहाँले बताउनुभया । सम्बन्धित वडाका वडाअध्यक्ष,वडासदस्य,वडा सचिव,शिक्षक,महिला स्वास्थ्य स्वयमसेवीका,नागरीक समाज,बुद्धिजिवी,समाजसेवी लगायतको सहभागीतामा समिति गठन गरिनेछ ।
वडाहरुमा चाइल्ड नेटवर्क फाउण्डेशन र सेतो गुराँस राष्ट्रिय बाल विकास सेवाको सहकार्य तथा सहजीकरणमा प्रारम्भिक बाल विकास समिति गठन भैरहेको छ । यो समितिले प्रारम्भिक बाल विकास समितिको कार्यनीति लागू गर्ने, प्रारम्भिक बाल विकासका कार्यक्रमहरु संचालन गर्ने लगायतका कार्यहरु गर्नेछ ।
