रामेछापको रामेछाप नगरपालिका वडा नं ७ सुकाजोर वडा कार्यालयले राजधानी काठमाण्डौँमै पुगेर सेवा प्रवाह गरेको छ । वडाका अधिकांश नागरीक काठमाण्डौँमा रहेको र उनिहरुको सहजताको लागी उनिहरु रहेकै ठाउँमा पुगेर सेवा दिइएको वडाअध्यक्ष समिर कार्कीले जानकारी दिनुभयो ।
उहाँका अनुसार वडाका सामाजिक सुरक्षा भत्ता प्राप्त गर्ने अधिकांश लाभग्राही काठमाण्डौँ रहेको र नविकरण गर्नका लागी वडा कार्यालयमा धाउनुपर्ने बाध्यतालाई अन्त्य गर्न घुम्ती शिविर संचालन गरिएको हो । यहि भदौ ६ र ७ गते २ दिन चलेको घुम्ती शिविरमा १ सय ५० भन्दा बढी वडाका नागरीकले सेवा लिएको वडाअध्यक्ष कार्कीले बताउनुभयो ।
घुम्ती शिविरमा सामाजिक सुरक्षा भत्ता परिचय पत्र नविकरणसँगै जन्म,मृत्यु,विवाह बसाँईसराई लगायतका व्यक्तिगत घटना दर्ता गरि प्रमाण पत्र समेत वितरण गरिएको थियो । रामेछाप नगरपालिकाका अन्य केही वडाहरुले पनि नागरीकको सहजताका लागी राजधानी काठमाण्डौँमै पुगेर सेवा दिएका छन ।
