रामेछापका दुर्घटना न्यूनीकरणका लागि सवारी चालकहरूको स्वास्थ्य परीक्षण गरिएको छ । मन्थली नगरपालिका–१ मा सवारी दुर्घटना न्यूनीकरणका उद्देश्यले चालकहरूको स्वास्थ्य परीक्षण गरिएको जिल्ला ट्राफिक प्रहरी कार्यालय रामेछापका प्रमुख प्रहरी सहायक निरीक्षक सुभाष चन्द्र मण्डलले जानकारी दिनुभयो ।
उहाँका अनुसार शुक्रबार बिहान ७ देखि ८ बजेसम्म २६ जना चालकहरूको स्वास्थ्य परीक्षण गरिएको हो । स्वास्थ्यमा समस्या देखिएका चालकहरूलाई चिकित्सकले तत्काल स्वास्थ्य सुधारका लागि आवश्यक सल्लाह र सुझाव प्रदान गरेका थिए ।
सामुदायिक अस्पताल मन्थलीको सहयोगमा खिम्ती–मन्थली–सेलेघाटमार्गमा सञ्चालन हुने साना तथा ठूला सवारीसाधन चालकहरूको स्वास्थ्य परीक्षण गरिएको थियो । ट्राफिक प्रहरीले जिल्लामा सवारी दुर्घटना न्यूनिकरणका लागी विभिन्न कामहरु गर्दै आएको छ ।
