रामेछापको गोकुलगंगा गाउँपालिका वडा नं १ र २ मा रहेका मुख्य बजारहरु गर्जाङ्ग र शिवालयको अनुगमन गरिएको छ । मंगलबार ति बजारका खाद्यान्न,किराना पसल,होटल,कस्मेटिक,फेन्सी,तरकारीतथा फलफूल,कपडा,ईलेक्ट्रोनिक,हार्डवयर,भाँडा पसल र प्राईभेट क्लिनिकहरुको अनुगमन गरिएको हो ।
जिल्ला प्रशासन कार्यालय,उद्योग तथा वाणिज्य कार्यालय,पत्रकार महासंघ,वडा कार्यालय,प्रहरी प्रशासनको नेतृत्वमा बजार अनुगमन भएको हो । २४ वटा होटल तथा पसलहरु अनुगमन गरिएको पत्रकार महासंघ रामेछापका अध्यक्ष दिपक कुमार घिमिरेले बताउनुभयो । अनुगमनको क्रममा दर्ता तथा नविकरण नभएका उद्योग व्यवसायलाई ७ दिनभित्रमा सम्बन्धित निकायमा दर्ता नविकरण गर्न अनुगमन टोलीले निर्देशन दिएको छ ।
मूल्य सूची र साईनबोर्ड नभएका उद्योग व्यवसायलाई ७ दिन भित्रमा राख्नको लागि सचेत गराइएको छ । यसैगरी सबै व्यवसाय उद्योगहरु सरसफाई नगरेको पाइएमा कानून बमोजिम कारबाही हुने भनि निर्देशन दिइएको बताइएको छ । स्थानिय तहहरुले पनि चाडपर्व लक्षित बजार अनुगन गर्दै आएका छन ।
