रामेछापको रामेछाप नगरपालिका वडा नं ८ भंगेरीमा रहेका नेवार समुदायले देखाउने लाखेनाच चलिरहेको छ । भंगेरी लाखे नाच सांस्कृतिक समुहले यहि साउन २४ गते जनैपूर्णिमाको दिनदेखी लाखेनाच प्रदर्शन गरिरहेको छ । साउन ३१ गते श्रीकृष्ण जन्माष्टमीका दिनसम्म लाखेनाच प्रदर्शन गरिने भंगेरी लाखे नाच सांस्कृतिक समुहका अध्यक्ष नरेश बाबु श्रेष्ठले जानकारी दिनुभयो ।
एक हप्तासम्म विविध सांस्कृतिक नृत्य तथा झाँकी सहित पालेवन,रामेछाप बजार,भंगेरी लगायतका ठाउँहरुमा विशेष सांस्कृतिक कार्यक्रम सहित लाखे नाच प्रदर्शन गरिने अध्यक्ष श्रेष्ठले बताउनुभयो । श्रीकृष्ण जन्माष्टमीका दिन राती १० बजे झगडे चौर भंगरीमा लाखे बद्य गरेपछि यो वर्षको कार्यक्रम समापन हुने उहाँले बताउनुभयो ।
२००९ सालदेखी निरन्तर रुपमा भंगेरीका नेवार समुदायले लाखे नाच प्रदर्शन गर्दै आएका छन । नेवारी मात्रै नभएर विभिन्न जातजातिका भेषभूषा सहित विविधि सांस्कृतिक कार्यक्रम सहित लाखे नाच प्रदर्शन गरिदै आएको छ । कला,संस्कृति,रितिरिवाज,भेषभूषा लगायतका संस्कृति संरक्षणमा भंगेरीका नेवार समुदाय जुट्दै आएका छन ।
