रामेछापको खाँडादेवी मन्दिर जाने सडकलाई पक्की बनाउन आजबाट डिटेल सर्भे हुुन लागेको छ । गाल्पा,दोरम्बा सडकबाट साँढे ३ किलोमिटर भित्र मन्दिरसम्म पुग्ने कच्चि सडक अब पक्की बन्ने भएको हो । निकै अप्ठ्यारो कच्चि सडक हुँदै मन्दिर पुग्नुपर्ने बाध्यता अब अन्त्य हुने भएको छ ।
बागमती प्रदेश भौतिक पूर्वाधार मन्त्रालय अन्तर्गत चालु आर्थिक वर्षमा ५५ लाख रकम विनियोजन भएको गाउँपालिका अध्यक्ष ज्ञान कुमार श्रेष्ठले बताउनुभयो । बहुवर्षीय आयोजना अन्तर्गत मन्दिर जाने सडकलाई पक्की सडक बनाउन सर्भेका लागी प्राविधिक टोली खाँडादेवी आएका छन । सर्भेको काम सकिएपछि बहुवर्षीय ठेक्का लगाइने छ ।
यो सडकलाई दिगो,बलियो र टिकाउ बनाउन ढलान गरिने अध्यक्ष श्रेष्ठले बताउनुभयो । बागमती प्रदेश भौतिक पूर्वाधार मन्त्रालय अन्तर्गत चालु आर्थिक वर्षमा गाल्पा अग्लेश्वरी दोरम्बा शैलुङ सडकका लागि १ करोड ८० लाख र राकाथुम गाल्पा सडकका लागि १ करोड २१ लाख रकम विनियोजन भएको छ । यि सडकहरु निर्माणको लागी बहुवर्षीय ठेक्का लगाई तीन वर्षमा निर्माण कार्य सक्ने योजना रहेको पनि अध्यक्ष श्रेष्ठले बताउनुभयो ।
