मध्यपहाडी लोकमार्ग स्थित रामेछापको खाँडादेवी गाउँपालिका वडा नं ४ पुछिघाटमा ट्याक्टर दुर्घटना भएको छ । शनिबार दिउँसो बेनीबाट सित्खातर्फ जाँदै गरेको ना ६ त ९५९१ नम्बरको ट्याक्टर दुर्घटना हुँदा चालकको मृत्यु भएको छ भने सहचालक घाईते भएका छन ।
जिल्ला प्रहरी कार्यालय रामेछापका अनुसार दुर्घटनामा चालक २५ वर्षका दिनेश माझिको घटनास्थलमै मृत्यु भएको हो । सहचालक वर्ष १५ का विवेक माझी सामान्य घाईते भएका हुन । दुर्घटना भएको ट्याक्टर सडकबाट करिब १० मिटर तल खसेको रामेछाप प्रहरीले जानकारी दिएको छ ।
