रामेछापमा सवारी दुर्घटनामा परी श्रीमतीको मृत्यु भएको छ भने श्रीमान घाइते भएका छन । रामेछापको मन्थली नगरपालिका–६ भलुवाजोरस्थित बोक्से पहरामा स्कारपियो गाडी दुर्घटना भएको हो ।
आइतबार बिहान सदरमुकाम मन्थलीबाट हेटौँडा जाँदै गरेको बा १३ च ३९३५ नम्बरको स्कारपियो गाडी दुर्घटनामा परेको हो । दुर्घटनामा मन्थली नगरपालिका–१ की अन्दाजी ४० वर्षीया राधा कार्की चौहानको घटनास्थलमै मृत्यु भएको जिल्ला प्रहरी कार्यालय रामेछापले जानकारी दिएको छ ।
दुर्घटनामा घाइते भएका मृतकका श्रीमान् उत्तम चौहानलाई मन्थलीस्थित रामेछाप सामुदायिक अस्पतालमा सामान्य उपचार पश्चात् थप उपचारको लागि धुलिखेल अस्पताल पठाइएको छ ।
