जनस्वास्थ्य कार्यालय रामेछापको प्राङ्गणमा बा १ झ ८६९३ नम्बरको गाडी बेवारिसे अवस्थामा छ । २०७२ सालदेखी थला परेको गाडी १० वर्ष वितिसक्दा पनि थलामै छ । कार्यालय प्रमुख(हाकिम)चढ्ने सो गाडी मर्मत नहुँदा बेवारिसे बनेको हो ।
जनस्वास्थ्य कार्यालयका सहायक कम्प्युटर अपरेटर सुमन मोक्तानका अनुसार ईन्जिन बिग्रीएर थन्किएको गाडी अहिलेसम्म मर्मत हुन नसकेको हो । सो गाडी मर्मत गर्न धेरै खर्च लाग्ने भएका कारण पनि यतिका समय थन्किएर बसेको उहाँले बताउनुभयो ।
कार्यालयलाई लिलाम गर्ने अधिकार नभएको र विभागमा पठाउनुपर्ने भएका कारण गाडी धेरै वर्षदेखी गाडी थन्किएर बसेको हो । यो गाडी बिग्रिएको केही समयपछि अर्को नयाँ गाडी आएका कारण पनि पुरानो गाडी मर्मत भएर संचालनमा आउन नसकेको बताइएको छ ।