रामेछापमा विश्व स्तनपान सप्ताह मनाइएको छ । बुधबार(आज) जनस्वास्थ्य कार्यालय रामेछापको आयोजना तथा रामेछाप अस्पताल, रामेछाप नगरपालिका र आयुर्वेद तथा बैकल्पिक चिकित्सालय मन्थली रामेछापको समन्वयमा सप्ताह मनाइएको हो ।
“स्तनपानलाई प्राथामिकता दिऔः सहयोगि वातावरण निर्माण गरौँ” भन्ने मुल नाराका साथ विश्व स्तनपान सप्ताह मनाईएको जनस्वास्थ्य कार्यालय रामेछापले जानकारी दिएको हो ।
स्तनपान गराइरहेका महिलाहरुलाई स्तनपानको महत्वबारे जानकारी गराउनुका साथै आयुर्वेद तथा बैकल्पिक चिकित्सालयबाट स्तनपाई आमाहरुलाई सतावरी चुर्ण समेत बितरण गरिएको हो । विश्व स्वास्थ्य सङ्गठनले घोषणा गरे अनुसार हरेक वर्ष अङ्ग्रेजी महिनाको अगस्ट १ देखि ७ तारिखसम्म स्तनपान सप्ताह मनाउने गरिन्छ।
