रामेछाप नगरपालिकामा चालु आर्थिक वर्षमा बजेट विनियोजन भएर संचालनमा रहेका योजनाहरुको अनुगमन गरिएको छ । जिल्ला समन्वय समितिले १० लाख भन्दा माथि लागतका विविध योजनाहरुको अनुगमन गरेको हो ।
जिल्ला समन्वय समितिका प्रमुख चिना खड्का,उपप्रमुख प्रेम सागर थापा,रामेछाप नगरपालिकाका प्रमुख लबश्री न्यौपाने,जिल्ला समन्वय अधिकारी हरिकृष्ण फुयाल,रामेछाप नगरपालिकाका सूचना अधिकारी होम बहादुर थापा,जिससका शाखा अधिकृत जमुना काफ्ले र प्राविधि सहितको टोलीले योजनाहरुको अनुगमन गरेको हो ।
कालिकुवादेखी च्यास्कुसम्मको कालोपत्रे सडक,रामपुर बजारको ढलान सडक,लाम्सिङ्ग डाँडामा निर्माणधिन बुद्धको मूर्ति लगायतका ठुला योजनाहरुको अनुगमन गरिएको हो । अनुगमनको क्रमममा रामेछाप नगरपालिकाका ईन्जिनिय र जिससका ईन्जिनियरले प्राविधिक मुल्यांकलन तथा कामको गुणस्तर समेत परीक्षण गरेको हुन ।
समग्र योजनाहरुको अनुगमन गर्दा कामको गुणस्तर प्राविधिक स्टमेट अनुसार नै भएको र सन्तोषजनक नै पाइएको जिससका उपप्रमुख थापाले बताउनुभयो । जिल्लाको भूगोल,वातावरण र अवस्थालाई हेरेरै संचालन गरिएको योजनाहरुको काम चित्त बुझ्दो रहेको उहाँले बताउनुभयो ।
