रामेछापको रामेछाप नगरपालिका वडा नं ७ सुकाजोरमा १० दिने जुस उत्पादन तथा बजारीकरण तालिम सम्पन्न भएको छ ।
तालिममा वडा नं ७ र ८ का ३५ भन्दा बढी नागरीकहरु सहभागी थिए । रामेछाप नगरपालिकाका प्रवक्ता एवं वडा नं ७ का वडाअध्यक्ष समिर कार्कीको समन्वयमा बाग्मती प्रदेश सरकारले विनियोजन गरेको ७ लाख बजेटबाट तालिम संचालन गरिएको हो ।
तालिममा सहभागीहरुले विभिन्न फलफूलबाट जुस,वाईन लगायतका पेय पदार्थ बनाउन सिकेका छन । उद्योग वाणिज्य कार्यालय रामेछापको आयोजना र रामेछाप नगरपालिकाको समन्वयमा तालिम संचालन भएको हो ।
