रामेछापमा धारिलो हतियार प्रयोग गरी सालोको हत्या गरेको आरोपमा भिनाजु पक्राउ परेका छन् । रामेछापको रामेछाप नगरपालिका–४ हिमगंगा बोलङ बोलङ का २९ वर्षीय लव कुमार थापामगरलाई हत्या गरेको आरोपमा उनका भिनाजु नाता पर्ने ५० वर्षीय बिनोद कुमार यसमाली पक्राउ परेका हुन् ।
यही जेठ २७ गते लव कुमार थापामगरको घरकै कोठामा बसिरहेको अवस्थामा हत्या भएको थियो । घटनापछि सोही दिन राती रामेछाप नगरपालिका–५ रामपुर कोलन्जोरघाटबाट विनोदकुमार पक्राउ परेका थिए । लव कुमार र बिनोद नाताले सालो भिनाजु हुन् ।
हत्या अरोपमा पक्राउ परेका उनलाई रामेछाप जिल्ला अदालतबाट १० दिनको म्याद थप गरि अुनसन्धान गरिरहेको जिल्ला प्रहरी कार्यालय रामेछापका सूचना अधिकारी कौशल न्यौपानेले जानकारी दिनुभयो । मृतकको शव पोष्टमार्टमपछि आफन्तले दाहासंस्कार गरेका छन ।
