रामेछाप अस्पतालमा यहि जेठ २३ गते वृहत निशुल्क स्वास्थ्य शिविर संचालन हुने भएको छ । यो शिविरमा विभिन्न रोगहरुसँग सम्बन्धित विशेषज्ञ डाक्टरहरुबाट निशुल्क स्वास्थ्य परीक्षण तथा औषधी वितरण हुनेछ ।
रामेछाप नगरपालिका र रामेछाप अस्पतालले एक सूचना जारी गर्दै मौकाको फाइदा उठाउन बिरामीलाई आग्रह गरेको हो । स्वास्थ्य शिविरमा हार्डजोर्नी विशेषज्ञ सेवा,मानसिक स्वास्थ्य विशेषज्ञ सेवा,बाल रोग विशेषज्ञ सेवा,स्त्री तथा प्रसूती रोग विशेषज्ञ सेवा,नाक कान तथा घाँटी रोग विशेषज्ञ सेवा,शल्यक्रिया चिकित्सा विशेषज्ञ सेवा,छाला रोग विशेषज्ञ सेवा प्रदान गरिनेछ ।
यसैंगरी श्वासप्रश्वास विशेषज्ञ सेवा,इन्टरनल मेडिसिन विशेषज्ञ सेवा,जनरल मेडिसिन विशेषज्ञ सेवा,आँखा रोग विशेषज्ञ सेवा,फिजियोथेरापी स्वास्थ्य सेवा,फर्मेशी सेवा,ईसिजी सेवा,भिडियो एक्सरे सेवा,फोक्सोको जाँच लगायत विभिन्न सेवाहरु शिविरमा प्रवाह हुनेछ । निजामति कर्मचारी अस्पताल,रामेछाप नगरपालिका र रामेछाप अस्पतालको आयोजनामा शिविर संचालन हुन लागेको हो ।
