नेपाल प्रेस युनियनको ३४ औं स्थापना दिवस रामेछापमा विभिन्न कार्यक्रम गरी मनाइएको छ । नेपाल प्रेस युनियन जिल्ला शाखा रामेछापले स्थापना दिवको अवसरमा मंगलबार बिहान मन्थली अस्पतालमा रहेका बिरामीलाई फलफूल वितरण गरेको हो ।
मन्थली अस्पतालमा वेड भर्ना भएर उपचार गराइरहेका बिरामीलाई स्याउ,केरा,जुस वितरण गरिएको नेपाल प्रेस युनियन जिल्ला शाखा रामेछापकी अध्यक्ष ज्ञानु श्रेष्ठले बताउनुभयो । साँझ विपी चोक मन्थलीमा दिवसको अवसरमा दीप प्रज्वलन समेत गरिएको छ ।
स्थापना दिवस सप्ताहव्यापी रुपमा मनाईने अध्यक्ष श्रेष्ठले बताउनुभयो । केन्द्रले निर्धारण गरेको कार्यक्रम अनुसार जिल्ला शाखाले पनि अन्तरकृया,पत्रकारहरुको आँखा परीक्षण लगायतका कार्यक्रमहरु गर्नेे उहाँले बताउनुभयो ।
