रामेछाप सैपुको एक घरमा आगलागी

रामेछाप सैपुको एक घरमा आगलागी

रामेछापको लिखु तामाकोसी गाउँपालिका २ सैपुको एक घरमा आगलागी भएको छ । शुक्रबार साँझ करिब ५/६ बजेको समयमा लागेको आगोले घर पूर्ण रुपमा जलेर नस्ट भएको हो । सैपुस्थित गोविन्द सुनुवारको घरमा लागेको आगोले घर तथा घरभित्र रहेका अन्नपात लत्ताकपडा सबै जलेर नस्ट भएको स्थानीय शशी गौतमले जानकारी दिनुभयो ।

भुकम्प प्रतिरोधात्मक २ कोठे ढुंगा माटोले बनेको जस्तापाताको छाना भएको घर पुरै क्षति भएको उहाँले ईरामेछापलाई बताउनुभयो । स्थानीय सबै मिलेर साँझ करिब ७ बजे आगो नियन्त्रणमा लिइएको उहाँको भनाइ छ । घरमा भएका साना केटाकेटीले आगो खेलाउने क्रममा लागेको हुन सक्ने अनुमान गरिएको छ । क्षतिको पूरा विवरण  भने आउन बाँकी छ ।

प्रतिक्रिया दिनुहोस्

सम्बन्धित समाचार