रामेछाप उद्योग वाणिज्यिक सङ्घले यहि माघ १५ गते देखी २६ गते सम्म मन्थलीमा ११ दिन रामेछाप कृषि पर्यटन तथा औद्योगिक मेला प्रदर्शनी २०८१ आयोजना गर्यो । उक्त मेलाको आम्दानी तथा खर्च विवरण सोमबार पत्रकार सम्मेलन मार्फत सार्वजनिक गरिएको हो ।
रामेछाप उद्योग वाणिज्यिक सङ्घका कोषाध्यक्ष झनक बहादुर बुढाथोकीले पत्रकार सम्मेलनमा आम्दानी तथा खर्च विवरण प्रस्तुत गर्नुभयो । मेलाबाट ३ लाख २० हजार ५ सय आम्दानी हुँदा खर्च भने १६ लाख ३० हजार ३३८ रुपैया रहेको कोषाध्यक्ष बुढाथोकीले बताउनुभयो ।
कोषाध्यक्ष बुढाथोकीका अनुसार नगरपालिका तथा गाउँपालिकाहरुबाट आउनुपर्ने रकम भने आउने क्रममा रहेको छ । हालसम्म सुनापति गाउँपालिकाबाट ९८ हजार ५ सय पेस्की स्वरुप आएको,राकेश एण्ड समिना नेपालबाट २ लाख २२ हजार रुपैयाँ र स्टल बिक्रीबाट ३७ हजार रुपैयाँ आम्दानी भएको कोषाध्यक्ष बुढाथोकीले जानकारी दिनुभयो ।
नगरपालिका तथा गाउँपालिकाहरुसँग प्रस्ताव गरिएको रकम प्राप्त हुँदा हाल उद्योग वाणिज्य सङ्घलाई प्राप्त भएको ३ लाख २० हजार पाँच सय रुपैयाँसहित १७ लाख ५० हजार रुपैयाँ आम्दानी हुने उहाँको भनाई छ ।
कृषि पर्यटन मेलाले कृषकहरूलाई उत्साहित बनाएको भन्दै रामेछाप उद्योग वाणिज्य सङ्घका अध्यक्ष नवीन थापामगरले यस पटक मेला आयोजना गर्दा भएको कमि कमजोरीलाई आगमी वर्षहरुमा सच्याउँदै अघि बढ्ने बताउनुभयो ।
यस्तो छ आम्दानी तथा खर्चको विवरण :
