काभ्रेपलाञ्चोकमा एक महिला मृत फेला परेकी छिन् ।काभ्रेपलाञ्चोकको बनेपा नगरपालिका–८ मा रहेको होटल भ्यू पाहुना घरमा रामेछाप घर भई हाल बनेपा–६ बस्ने २३ वर्षीया शर्मिला श्रेष्ठ मृत फेला परेकी हु्न् ।
हिजो साँझा ५ बजे सो होटलमा मृत अवस्थामा फेला परेको इलाका प्रहरी कार्यालय बनेपाका प्रमुख प्रहरी नायब उपरीक्षक ज्ञानबहादुर खड्काले जानकारी दिनुभयो ।उनी बनेपाकै एक मेडिकलमा कार्यरत थिइन ।
श्रेष्ठसँगै होटलमा गएका रामेछापका एक युवक फरार भएका छन् । फरार भएका युवकको नाम भने खुलाइएको छैन । घटनाको प्रकृति हेर्दा हत्याको आशंका गरिएको प्रहरीले जनाएको छ । घटनाको विषयमा अनुसन्धान भइरहेको छ ।
