रामेछापको मन्थलीमा गुडि रहेको टिफरबाट खसेर सह चालकको मृत्यु भएको छ । मन्थली नगरपालिका १ बाट मन्थली नगरपालिका ४ सालु तर्फ गइ रहेको प्रदेश नः ३०१००३ क ५७६४ नम्बरको टिफरबाट खसेर आईतबार(आज) सोहि टिफरका सह चालकको मृत्यु भएको हो ।
मृत्यु हुनेमा मन्थली नगरपालिका वडा नः ४ का ३२ बर्षका नारायण बस्नेत रहेको जिल्ला प्रहरी कार्यालय रामेछाप प्रहरी निरिक्षक तथा रामेछापका प्रहरी प्रवक्ता कौशल न्यौपानेले जानकारी दिनुभयो ।
प्रवक्ता न्यौपानेका अनुसार उप्त टिफर बालुवा लिएर सालु तर्फ जादैँ थियो । टिफरबाट खसेर घाइते भएका बस्नेतलाई उपचारको लागि तामाकोसी अस्पताल लगिएको थियो ।
बस्नेतको उपचारको क्रममा दिउँसो २ बजे तामाकोसी अस्पतालमा मृत्यु भएको हो । टिफर र टिफर चालकलाई प्रहरीले नियन्त्रण लिएको छ ।
