डिपेन्डेन्ट भिसामा युवतीहरूलाई कोरिया लगायतका देशमा लैजान्छु भनी ठगी गरेको आरोपमा प्रहरीले रामेछापका एक जनालाई पक्राउ गरेको छ ।
पक्राउ पर्नेमा रामेछापको दोरम्बा शैलुङ्ग गाउँपालिका–६ घर भई हाल भक्तपुरको चाँगुनारायण बस्ने का ३५ वर्षीय साजन मगर भन्ने होमबहादुर मगर रहेका छन् ।
उनलाई काठमाडौं उपत्यका अपराध अनुसन्धानको कार्यालयको टोलीले बाँसबारीबाट पक्राउ गरेको हो ।
पक्राउ परेको उनको साथबाट २१ लाख रुपैयाँ बरामद गरेको छ भने उनीमाथि थप अनुसन्धानका लागि जिल्ला प्रहरी परिसर भद्रकाली पठाइएको प्रहरी उपरीक्षक (एसपी) काजी कुमार आचार्यले बताउनुभयो ।
