रामेछाप जिल्लाको सुनापती गाउँपालिका वडा नं ४ बेथानको एक घरमा आगलागी भएको छ । मंगलबार बिहान अन्दाजी ४ बजेको समयमा ध्यान बहादुर खड्काको घरमा आगलागी भएको हो । टिनको छानो भएको ढुंगा,माटोले बनेको २ तले कच्ची घर भित्र गाईवस्तुलाई कुँडो पकाउने क्रममा अचानक आगो लागेको थियो ।
आगलागीबाट घर भित्र रहेको १५ वटा कुखुरा जलेर मरेको रामेछाप प्रहरीले जानकारी दिएको छ । भाडावर्तन, लत्ताकपडा, घरभित्र रहेको कागजपत्र साथै घर पनि पुर्णरुपमा जलेर नष्ट भएको प्रहरीले जनाएको छ । आगलागीबाट लगभग ५ लाख बराबरको क्षति भएको अनुमान गरिएको छ । कुनै मानविय क्षति भने नभएको प्रहरीको भनाई छ ।
