यहि कार्तिक १२ गतेदेखी रामेछापमा प्रथम अखिल कप पुरुष फुटबल प्रतियोगिता हुने भएको छ । जिल्ला सदरमुकाम मन्थलीमा १५ वर्ष मुनिको प्रथम अखिल कप पुरुष फुटबल प्रतियोगिता संचालन गर्न लागिएको आयोजक अनेरास्ववियु रामेछापका अध्यक्ष पुष्कर भट्टराईले जानकारी दिनुभयो ।
अनेरास्ववियु रामेछाप खेलकुद विभागको व्यवस्थापनमा अनेरास्ववियु रामेछापले यहि कार्तिक १२ गतेदेखी १४ गतेसम्म प्रतियोगिता आयोजना गर्न लागेको अध्यक्ष भट्टराईले बताउनुभयो । प्रतियोगितामा सहभागी हुन चाहने टिमले यहि कार्तिक १० गते साँझ ५ बजेसम्म टिम दर्ता गर्न सक्नेछन ।
प्रतियोगितामा प्रथम र द्वितीय हुने टिमले क्रमशः २० हजार,१० हजार रुपैयाँ नगद पुरस्कार सहित शिल्ड, मेडल र प्रमाणपत्र पाउने छन । सान्त्वना हुने दुई टिमलाई नगद ५÷५ हजार सहित प्रमाण पत्र प्रदान गरिने आयोजकले जनाएको छ । विभिन्न ४ वटा विधामा उत्कृष्ट खेलाडीहरूलाई नगद एक हजार रुपैयाँ सहित ट्रफि प्रदान गरिने छ । प्रतियोगिताका सबै खेल मन्थली माविको खेल मैदानमा हुनेछ ।
