रामेछापको मन्थलीमा फ्रिजको कम्प्रेसर चोरी गर्ने पुरुष पक्राउ परेका छन । रामेछाप जिल्लाको मन्थली नगरपालिका वडा नं. १ बिच बजारमा प्रत्युस इन्टरप्राइजेजको फ्रिजको कम्प्रेसर चोरी गर्ने मन्थली नगरपालिका १ बस्ने हरी खड्कालाई पक्राउ गरिएको हो ।
पक्राउ परेको खड्काले कृषी बिकास बैंकबाट हाटेचौर तर्फ जाने बाटोमा रहेको प्रत्युस इन्टरप्राइजेजको स्टोरमा मर्मत गरेर राखेको १९० लिटरको कम्प्रेसर चोरी गरेका थिए । बुधबार राति ३ः२८ बजेको समयमा सो सामान चोरी गरेको सिसिटिभी भिडियोमा देखिएको संचालक युवराज सुवेदीले जानकारी दिनुभयो ।
भदौ ६ गते बिहीवार चोरी भएको भनि साँझ ८ बजे तिर खबर आए पछि प्रहरीको टोलि खटिएको थियो । जानकारी प्राप्त हुना साथ प्रहरी कार्यालयबाट प्रहरी निरिक्षक सहितको टोली खटी गई सोही राती १०ः३० बजेको समयमा चोरी गर्ने ब्यक्ती र चोरी भएको समान फेला परेको जिल्ला प्रहरी कार्यालय रामेछापले जनाएको छ । घटनाको बारेमा थप अनुसन्धान भइरहेको प्रहरीले जनाएको छ ।
