रातको समयमा रामेछापबाट खसी चोरी गर्ने सिन्धुलीका युवकलाई प्रहरीले पक्राउ गरेको छ । रामेछाप नगरपालिका ४ का विर बहादुर मगरले पालेको ३ वटा खसी चोरी गर्ने सिन्धुलीको फिक्कल गाउँपालिका वडा नं २ का वर्ष २७ का गोपीलाल सुनुवारलाई प्रक्राउ गरिएको हो ।
पक्राउ परेका सुनुवारले मगरको गोठबाट ३ वटा खसी चोरी गरेका थिए । उनलाई खुर्कोट प्रहरीको समन्वयमा पक्राउ गरिएको रामेछाप प्रहरीले जानकारी दिएको छ । पक्राउ परेका सुनुवारलाई जिल्ला अदालत रामेछापबाट म्याद थप गरि अनुसन्धान भइरहेको जिल्ला प्रहरी कार्यालय रामेछापमा प्रहरी निरीक्षक एवं सूचना अधिकारी कौशल न्यौपानेले जानकारी दिनुभयो ।
