आज पनि देशका विभिन्न ठाउँमा ठूलो पानी पर्ने मौसमविद्ले बताएका छन् । मनसुनी वायु सक्रिय हुँदा देशका विभिन्न ठाउँमा ठूलो पानी पर्ने मौसमविद्ले बताएका हुन् । मौसम पूर्वानुमान महाशाखाका अनुसार आज देशका विभिन्न ठाउँमा हल्कादेखि मध्येम वर्षा हुँदा कोशी, बागमती, गण्डकी, लुम्बिनी र सुदूरपश्चिम प्रदेशका थोरै तथा कर्णाली प्रदेशका एकदुई स्थानमा भारी वर्षाको पनि सम्भावना रहेको छ ।
यस्तै बागमती, गण्डकी, लुम्बिनी र सूदुरपश्चिम प्रदेशका एकदुई स्थानमा धेरै भारी वर्षाको पनि सम्भावना रहेको छ । यस्तै राति बागमती, गण्डकी र सुदूरपश्चिम प्रदेशका थोरै स्थानहरूमा भारी वर्षाको पनि सम्भावना रहेको छ । बागमती र गण्डकी प्रदेशका एकदुई स्थानमा धेरै भारी वर्षाको पनि सम्भावना रहेको महाशाखाले जनाएको छ ।
