रामेछापको रामेछाप नगरपालिका वडा नं ८ का ११ जना महिला स्वास्थ्य स्वयमसेवीकाहरुलाई वडाले विभिन्न सामग्री प्रदान गरेको छ । शुक्रबार(आज) एक कार्यक्रमको आयोजना गरी वडाले जाडोमा लगाउने सुईटर,झोला र जुत्ता प्रदान गरेको हो ।
वडाको विभिन्न टोल,बस्तीमा पुगेर नागरीकहरुको सेवा गर्दै आएका महिला स्वास्थ्य स्वयमसेवीकाहरुलाई प्रोत्साहन स्वरुप यी सामाग्रीहरु वितरण गरिएको वडाअध्यक्ष सन्तोष तामाङ्गले जानकारी दिनुभयो ।
स्वयमसेवीकाहरुको मनोबल बढाउन वडाले यस्तो कार्यक्रम गरेको वडाअध्यक्ष तामाङ्गको भनाई छ। रामेछाप नगरपालिकाका प्रमुख लबश्री न्यौपाने,उपप्रमुख बाल कुमारी कार्की र प्रमुख प्रशासकिय अधिकृत मित्र प्रसाद घिमिरेले सो सामाग्रीहरु हस्तान्तरण गर्नुभयो ।
