रामेछापको मन्थली नगरपालिका वडा नं ५ सुनारपानीमा माटोको ढिस्कोले पुरिएर ३ जना घाइते भएका छन । बिहिबार(आज) सोही वडाको साखापानी भन्ने ठाउँमा कमेरो माटो खन्ने क्रममा ३ जना पुरिएका हुन ।
तल्लो सुनारपानीका आन्दाजी वर्ष ७० का कृष्ण सार्की,वर्ष ३० का कृष्ण बसेल र वर्ष ५५ का आईते सार्की घाईते भएका हुन ।
घाईतेहरुलाई स्थानियले उद्धार गरी मन्थली अस्पताल लगेको र उनिहरुको त्यहाँ उपचार भैरहेको वडाअध्यक्ष नविन कार्की(रविन) ले जानकारी दिनुभयो ।
दशैँ नजिकिएसँगै घर लिपपोत गर्नका लागी माटो लिन गएका उनिहरु माटो खन्ने क्रममा ढिस्को झरेर पुरिएका हुन ।
